ആകാശം ...
വര്‍ണ്ണങ്ങള്‍ വാരിയെറിഞ്ഞെന്നെ അമ്പരപ്പിക്കും,
ഞൊടിയിടയില്‍ നീലനിറത്തിലേയ്ക്ക്
എല്ലാം ഒളിപ്പിച്ചു വയ്ക്കും,
വീണ്ടും പതുക്കെ പതുക്കെ കടും നീലയും
ഇളം നീലയുമായി മൃദുവായ പകര്‍ന്നാട്ടങ്ങള്‍
സുഖാലസ്യത്തിലെന്നപോലെ.
പിന്നെയും ചടുല ഭാവങ്ങള്‍ ,
കടും നിറങ്ങള്‍ വാരിയണിയല്‍ ...
ഞാനൊരു ഇടവേള പോലും കാത്തിരിക്കാതെ അതൊക്കെ രസിക്കും...
ഒടുവില്‍ ഒരു മായാജാലക്കാരനെപ്പോലെ അവനെന്നെ
ഭൂമിയിലടര്‍ന്നുവീണ വര്‍ണ്ണപ്പൊട്ടിനെയെന്നോണം
തൊട്ടെടുക്കുന്നതും കാത്ത് കണ്ണുകളടച്ചു....
അപ്പോഴും നിന്നെയോര്‍ത്തുപോവാറുണ്ട്,
ആശിച്ചുപോകാറുണ്ട്...
അവനെന്നെ വിരലാല്‍ തൊട്ടെടുക്കും മുന്‍പേ
നീയെന്നെ സിന്ദൂരമായ് അണിഞ്ഞിരുന്നെങ്കിലെന്ന്‍ ...!
വര്‍ണ്ണങ്ങള്‍ വാരിയെറിഞ്ഞെന്നെ അമ്പരപ്പിക്കും,
ഞൊടിയിടയില്‍ നീലനിറത്തിലേയ്ക്ക്
എല്ലാം ഒളിപ്പിച്ചു വയ്ക്കും,
വീണ്ടും പതുക്കെ പതുക്കെ കടും നീലയും
ഇളം നീലയുമായി മൃദുവായ പകര്‍ന്നാട്ടങ്ങള്‍
സുഖാലസ്യത്തിലെന്നപോലെ.
പിന്നെയും ചടുല ഭാവങ്ങള്‍ ,
കടും നിറങ്ങള്‍ വാരിയണിയല്‍ ...
ഞാനൊരു ഇടവേള പോലും കാത്തിരിക്കാതെ അതൊക്കെ രസിക്കും...
ഒടുവില്‍ ഒരു മായാജാലക്കാരനെപ്പോലെ അവനെന്നെ
ഭൂമിയിലടര്‍ന്നുവീണ വര്‍ണ്ണപ്പൊട്ടിനെയെന്നോണം
തൊട്ടെടുക്കുന്നതും കാത്ത് കണ്ണുകളടച്ചു....
അപ്പോഴും നിന്നെയോര്‍ത്തുപോവാറുണ്ട്,
ആശിച്ചുപോകാറുണ്ട്...
അവനെന്നെ വിരലാല്‍ തൊട്ടെടുക്കും മുന്‍പേ
നീയെന്നെ സിന്ദൂരമായ് അണിഞ്ഞിരുന്നെങ്കിലെന്ന്‍ ...!
