ചരടു പൊട്ടിയ പട്ടം

ഒരിക്കല്‍ അവള്‍ എന്നോട് പറഞ്ഞു,

അലക്ഷ്യമായി പറന്നു നടക്കുന്നൊരു

പട്ടമാകണം അവള്‍ക്കെന്ന്.

വെറുതെ അതിന്‍റെ അറ്റം പിടിക്കാന്‍

എന്നെ ഏല്‍പ്പിക്കട്ടെ എന്നും.

കയ്യില്‍ മുറുകെപ്പിടിച്ച മുഷിഞ്ഞ ചരടിന്‍ കഷ്ണമെടുത്തു

ഞാനവള്‍ക്ക് കാണിച്ചു.

കണ്ടില്ലേ കുട്ടീ..

ഞാനൊരു നല്ല പട്ടം പറത്തലുകാരനല്ല...

ഞാന്‍ പറത്തിയ പട്ടം എങ്ങു പോയ് മറഞ്ഞെന്നുപോലും

ഇന്നെനിക്കറിയില്ല...!!

Picture Courtesy:www.moderndallas.net