വിളക്കുകള്‍ പറയാഞ്ഞത്

പാതിചാരിയെന്‍ യൌവനത്തിന്‍

വാതില്‍ താണ്ടി നീ വരുന്നതും

കാത്തു ഞാനൊട്ടു നാളുകള്‍ പ്രിയേ

ആര്‍ത്തമാമെന്‍ ദേഹിയോടൊത്ത്.

കാറ്റിലാടിക്കെടും വിളക്കുകള്‍

കൂരിരുട്ടിന്‍ നെഞ്ചിലേക്കമരുമ്പോള്‍

കാല്‍ത്തളക്കിലുക്കം ശ്രവിക്കുവാന്‍

ബധിര കര്‍ണത്തിന്‍ വിഫലമാം ശ്രമം.

നീ വരില്ലെന്നറിയാം വിളക്കുകള-

വരതോതാതെ മാഞ്ഞതെന്താവാം ?

നെഞ്ചകം പൊടിയുമെന്‍ നോവു

കാണ്മുവാന്‍ കെല്‍പ്പതില്ലാഞ്ഞതിന്നാലോ ? 

Picture courtesy : Jozef Israëls - Overpeinzing